Quist’annu a Sant’Andria s’arremba annant’à un prughjettu prupostu da « a scola in festa » di i cantadori è pueta Felì è Tittò.
A mani, l’accolta di i zitelli è di i so parenti, s’hè fatta in giru à i canistrelli è un caffè caldu caldu.
Dopu, Monique Santoni è tuttu u parsunali di a ciucciaghja di « i puppunelli » ani cantatu a pricantula tradiziunali di a Sant’Andria, a canzona di u prughjettu è parechji altri di l’associu Scola in festa.
In u quatru di stu prughjettu, tutta a sittimana sarà cunsacrata à a Sant’Andria, fistata da Aiacciu à Bastia…in lingua corsa !
Aprite, aprite à Sant’Andria !